Бейімбет Майлин атындағы №7 мектеп-гимназиясы ұстаздарымен Қаныш Сәтбаевтың 125 жылдығына арналған «Геологиялық инсайт» атты шебер-сынып өтті. Ұстаздар Қ.Сәтбаевтың өмірбаянымен, ол кісі туралы қызықты деректермен танысып, минералдарды зерттеп, викториналық сұрақтарға жауап берді. Оның есімі институттар мен кен-металлургия комбинаттарына, Қазақстан қалаларының көшелеріне, мектептер мен шаруашылық аттарына берілген. Қарағанды облысындағы облыстық маңызы бар қаланың бірі Сәтбаевтың атымен аталады. Сондай ақ Алатаудың бір шыңы мен мұздағы, Қаратаудағы ванадий кенінің рудасынан табылған бір минерал (сатбаевит) оның атымен аталады. Ұйымдастырғандар физика пәні мұғалімі Латенова Ұ. және география пәні мұғалімі Наурзбекова С.