Байқау нәтижесінде Бейімбет Майлин атындағы №7 мектеп – гимназиясының білім алушылары жетістіктер шыңынан көрініп, қанжығаларына жүлделі орындар мен ақшалай сыйлықтар байлап қайтты. «Міржақыптың мөлдір әлемі» атты мәнерлеп оқу номинациясы бойынша 10 сынып оқушысы Тоққожаев Жамбыл бас жүлдені иеленсе, 8 сынып оқушысы Анарбеков Жолдасбек жүлделі 2 орынға ие болды. 8 сынып оқушысы Сәбитбек Айкүміс «жүзден жүйрік, мыңнан тұлпар» номинациясымен марапатталды. «Міржақып ізімен» иллюстрация номинациясы бойынша 7 сынып оқушысы Рахимов Карим жүлделі 1 орынды қанжығасына байласа, дәл осы номинация бойынша Абдрахманова Дильназ жүлделі 3 орынды иеленді. Жүлдегерлерді шын жүректен құттықтай отырып, алдағы уақытта тек жеңіс шыңдарынан көріне берулеріне тілектеспіз!