23.10.2019 жылы №7 мектеп-гимназиясына ұлы тұлға Бейімбет Майлин есімінің берілуіне орай мемориалды тақтаның ашылу салтанатында қала әкімінің орынбасары Скаредина Елена Вадимовна құттықтау сөз білдіріп, жұмыстағы жоғары жетістіктері үшін және білім беру ұйымына Бейімбет Майлин есімінің берілуіне байланысты мектепке  мультимедиалық монитор мен экранға сертификат табыстады. Салтанатты жиынның қонақтары болған:

Биағаның немересі Даметер Әбілқасымқызы Сейтжанова;

Б.Майлин атындағы қордың Президенті Мұстафина Салтанат Әбүйірқызы;

Сұлтанғазин атындағы ҚМПУ филология  ғылымдарының кандидаты, доцент, Ыбырайтанушы Серікбай Оспанұлы;

Ахмет Байтұрсынов атындағы ҚМУ профессоры, филология ғылымдарының кандидаты, доцент, Бейімбеттанушы  Ақылбек Қожаұлы Шаяхмет;

Ахмет Байтұрсынов атындағы ҚМУ аға оқытушысы филология ғылымдарының магистрі Шынар Исланбекқызы;

«Қостанай таңы» облыстық газетінің тілшісі Қыдырбек Қиысханұлы.

Іс-шара барысында қонақтарға арналған алаңшалар жұмыс істеді. Оқу кабинеттеріндегі портреттік сағаттарға қатысып, интеллектуалды ойынның көрермендері болды. Мектеп қабырғасындағы өлкетану мұражайының тұсау кесу рәсімі Биағаның шөбересі Салтанат Әбүйірқызы мен Серікбай Оспанұлына берілді. Қонақтар мұражайдың жұмыс жүйесімен танысып, өз қолтаңбаларын қалдырды. Ары қарай мерекелік концертке ұласып, қонақтармен брифинг өткізілді. Барлық өткізілген іс-шаралардың мақсаты – ұлы тұлғаның өмірі мен шығармашылығын кейінгі ұрпаққа насихаттау.